NPA, MAGDEKLARA UNTA UG UNILATERAL CEASEFIRE?

Posted on Posted in Prime FM Balita

Gikabutyag ni CPP founding chairman Jose Mara Sison  nga magdeklara na unta ug unilateral ceasefire ang New Peoples Army(NPA) alas otso sa gabie niadtong sabado apan naunhan sila ni President Rodrigo Duterte sa pagbakwi sa mando nga Unilateral ceasefire atol sa iyang SONA.

Gibawi ni Duterte ang iyang deklarasyon sa unilateral ceasefire tungud gibanhigan sa walhong grupo ang tropa sa  gobyerno ug gikamatay sa usa ka Cafgu ug laing tulo  ang samdan nga ubos sa 72nd  Infantry Battalion sa Philippine Army .

Sumala ni Aris Francisco, tigpamaba sa Comval North Davao Command Agusan Sub-regional Command sa NPA nga ilang girespeto ang unilateral ceasefire apan gisupak kini sa kasundalohan.

Apan sumala sa 10th Infantry Division nga pulos lamang alegasyun ang gisulti sa NPA tungud human nasayran sa militar  ang unilateral ceasefire dali dayun silang namalik sa ilang kampo .

Subay niini nanawagan ang kasundaluhan sa NPA nga ihunong ang ilang pagliso sa mga istorya nga maoy ilang nahimong propaganda ug mas mayo nga isaysay ug ipakita kung unsa ang kamatuoran. (BA)